Napoleon III

Hi Louis-Napoléon Bonaparte (natawo ha ngaran nga Charles-Louis Napoléon Bonaparte; 20 Abril 1808 – 9 Enero 1873) amo an Mangulo han Fransya tikang 1848 tubtob 1852 ngan, komo Napoleon III, an Emperador han Franses tikang 1852 tubtob 1870. Hiyá là nga usá an mangulo han Franses nga Ikaduha nga Republika ngan an namuno han Ikaduha nga Franses nga Imperyo.

Hiyá an umangkon ngan heredero ni Napoleon I. Hiyá an syahan nga Mangulo hin Estado han Fransya nga nagkapot han título hin Presidente o Mangulo, an syahan nga na-elihir o napilì hin direkta nga votos han katawhan, ngan an gimanghuri kutob han ka-elihir ni Emmanuel Macron han 2017. Ginpugngan hiyá han Konstitusyon ngan Parlamento hin pagdalagan para hin ikaduha nga panahón hin serbisyo, nag-organisa hiya hin coup d'état o golpe de estado han 1851 ngan nag-angkon hiyá han trono ha ngaran nga Napoleon III han 2 Disyembre 1852, an ika-kap-atan-kag-waló nga anibersaryo han pagkoronar han iya batâ o tío. Nagpapabilin hiyá nga amo an gima-iha-i nga nagsirbe nga Franses nga mangulo hin estado tikang han Rebolusyon Franses. An iya kahúlog tíkang ha poder dinangatan han Franco-Pruso nga gera nga diin napirdi hin dako an Fransya han Amihan nga Konfederasyon nga Aleman, nga pinangunahan han Prusya.

Usa ka turók ini nga barasahon. Dako it imo maibubulig ha Wikipedia pinaagi han pagparabong hini.