Burjassot

Burjassot

Brasón
Localización
39°30′33″N 0°24′39″O / 39.5091, -0.4109
Estado	España
Comunidade autónoma	Comunidade Valenciana
Provincia	provincia de Valencia
Comarca da Comunidade Valenciana	Horta Nord
Capital	Burjassot (en)
Poboación
Poboación	39.702 (2023) (11.677,06 hab./km²)
Lingua oficial	Valenciano (lingua predominante)
Xeografía
Superficie	3,4 km²
Altitude	59 m
Comparte fronteira con	Valencia Godella Paterna
Organización política
• Alcalde	Rafael García García
Identificador descritivo
Código postal	46100
Fuso horario	UTC+01:00
Código INE	46078
Código ARGOS de concellos	46078
Sitio web	burjassot.org

Burjassot é un concello da Comunidade Valenciana, pertencente á provincia de Valencia, situado na zona oeste da área metropolitana de Valencia, na comarca da Horta Nord. Ten 37.402 habitantes (INE 2008).

Burjassot atópase situada ao noroeste da cidade de Valencia, dentro da súa área metropolitana. A superficie do termo é case cha. Con todo, na zona occidental do municipio existen unhas pequenas elevacións do terreo que acadan unha alzada máxima de sesenta metros que serven de límite á Horta de Valencia. Como toda a comarca, posúe un clima mediterráneo.

Pódese acceder a esta localidade a través das liñas 1 e 4 do Metro de Valencia.

O termo municipal de Burjassot limita coas localidades de Godella, Paterna e Valencia todas elas da provincia de Valencia.

Pola súa proximidade á capital converteuse nun importante nó de comunicacións para a comarca, sendo atravesado o seu termo pola liña 1 de Metro Valencia e a liña T4, así como liñas de autobuses da EMT e do Consorcio Municipal de Transportes (CMT). Por estrada é posible chegar pola CV-35 (pista de Ademuz / Av. Corts Valencianes) e pola Avenida de Burjassot da capital valenciana.

A poboación de Burjassot ascende a 37.402 habitantes en 2008. Tralo importante incremento demográfico experimentado nas décadas de 1960 e 1970, produciuse un estancamento de poboación nos anos oitenta, debido fundamentalmente ao conciso termo municipal que actualmente está urbanizado nun 70% da súa superficie restando só unha escasa zona de horta que está separada do casco urbano polas vías da liña 1 de Metro Valencia.

O casco urbano atópase conurbado co da localidade de Godella ( e esta á súa vez con Rocafort), co barrio valenciano de Benimàmet e co barrio paternero de Santa Gemma.

O seu escaso termo municipal áchase urbanizado no seu maior parte existindo unha pequena zona de horta onde se cultivan laranxeiras, hortalizas, cultivos forraxeiros e tubérculos.

O sector primario, outrora o máis importante, é actualmente testemuñal. Pola súa banda, o sector secundario está representado basicamente por industrias dedicadas á cerámica, vidro, téxtil, de transformados metálicos, madeira e mobles, alimentación e confección, habendo desaparecido nestes últimos anos dúas grandes industrias dedicadas ao xoguete e á fabricación de cemento.

Por todo iso cada vez cobra unha maior importancia o sector terciario, destacando o comercio, transportes e comunicacións, os servizos financeiros e servizos comunais. Tendo gran relevancia económica os servizos xerados en torno ao campus universitario.

• Sitio web oficial
• Instituto Valenciano de Estatística