Karl Nehammer

Karl Nehammer
Kanslari Austurríkis
Núverandi
Tók við embætti 6. desember 2021
Forseti	Alexander Van der Bellen
Forveri	Alexander Schallenberg
Persónulegar upplýsingar
Fæddur	18. október 1972 (1972-10-18) (52 ára) Vín, Austurríki
Stjórnmálaflokkur	Austurríski þjóðarflokkurinn
Maki	Katharina Nehammer (f. Nidetzky)
Börn	2
Háskóli	Dónárháskóli í Krems

Karl Nehammer (f. 18. október 1972) er austurrískur stjórnmálamaður sem hefur verið kanslari Austurríkis frá 6. desember 2021. Hann er meðlimur í Austurríska þjóðarflokknum og var innanríkisráðherra landsins frá 2020 til 2021. Hann hefur setið á neðri deild austurríska þingsins frá árinu 2017.^[1]

Nehammer á að baki langan feril innan austurríska hersins. Sem innanríkisráðherra í stjórn Sebastians Kurz var hann þekktur fyrir harða afstöðu sína í innflytjendamálum og fyrir andstöðu gegn róttækri íslamstrú.^[2]

Nehammer var kjörinn formaður Þjóðarflokksins þann 3. desember 2021 eftir að Kurz, sem hafði sagt af sér kanslaraembættinu tveimur mánuðum fyrr vegna spillingarrannsóknar, tilkynnti að hann hygðist hætta alfarið í stjórnmálum.^[3] Í kjölfarið lýsti Alexander Schallenberg, sem hafði tekið við kanslaraembættinu af Kurz, yfir að hann hygðist hætta sem kanslari og víkja fyrir nýjum leiðtoga flokksins.^[4]

Nehammer fundaði með Volodímír Selenskíj Úkraínuforseta í Kænugarði og svo með Vladímír Pútín Rússlandsforseta í Moskvu í apríl 2022. Hann var fyrsti evrópski leiðtoginn sem hitti Pútín eftir að innrás Rússa í Úkraínu hófst.^[5][6]

1. ↑ „Karl Nehammer, MSc“. Þjóðarráð Austurríkis (þýska). Sótt 3. desember 2021.
2. ↑ Atli Ísleifsson (3. desember 2021). „Fyrr­verandi her­maður næsti kanslari Austur­ríkis“. Vísir. Sótt 8. desember 2021.
3. ↑ Ásgeir Tómasson (3. desember 2021). „Kanslaraskipti fram undan í Austurríki“. RÚV. Sótt 8. desember 2021.
4. ↑ Þórdís B. Sigurþórsdóttir (3. desember 2021). „Kanslari Austurríkis segir af sér eftir aðeins tvo mánuði í starfi“. Fréttin.is. Sótt 3. desember 2021.
5. ↑ „Kanslari Austurríkis til fundar með Pútín“. mbl.is. 10. apríl 2022. Sótt 18. apríl 2022.
6. ↑ Ólöf Ragnarsdóttir (11. apríl 2022). „Átti „beinskeyttan, opinn og óvæginn" fund með Pútín“. Fréttablaðið. Sótt 18. apríl 2022.

  Þetta æviágrip sem tengist stjórnmálum er stubbur. Þú getur hjálpað til með því að bæta við greinina.