Gabriel Lippmann

Gabriel Lippmann
Gabriel Lippmann
Fødd	16. august 1845 Bonnevoie i Luxembourg
Død	13. juli 1921 (75 år) SS «France», Atlanterhavet
Nasjonalitet	Fransk–luxembourgsk
Område	fysikk, fotografi
Yrke	Fysikar
Institusjonar	Sorbonne
Alma mater	École Normale
Doktorgradsrettleiar	Gustav Kirchhoff Hermann von Helmholtz
Utmerkingar	Nobelprisen i fysikk (1908)
Ektefelle	Laurence Lippmann
Medlem	Royal Society Société philomathique de Paris Det franske vitskapsakademiet Vitskapsakademiet i St. Petersburg Det russiske vitskapsakademiet Det prøyssiske vitskapsakademiet Fédération photographique de France Accademia delle Scienze di Torino Astronomical Society of France

Gabriel Jonas Lippmann (16. august 1845–13. juli 1921) var ein fransk–luxembourgsk fysikar og Nobelprisvinnar. I 1883 vart han professor i matematisk fysikk ved Sorbonne i Paris, og i 1886 i eksperimentell fysikk.

Lippmann arbeidde mellom anna med undersøkingar av elektrolytisk polarisasjon og absolutte avgjersler av eininga ohm for resistans. Han fann opp ein direkte metode for fargefotografi i 1891, som ikkje fekk praktisk bruk. Denne metoden bygde på interferens mellom ljoset som fall direkte inn på ein film, og ljoset som vart reflektert frå ein spegl bak filmen. Interferensbiletet som oppstad var avhengig av bølgjelengda til ljoset. Ved belysning etter at filmen var framkalt, ville fargane i det ljoset som han var eksponert med, bli attgjeve. Metoden er omtrent den same som i dag blir nytta i holografi. Han vart tildelt Nobelprisen i fysikk i 1908 for denne oppfinninga

Wikimedia Commons har multimedia som gjeld: Gabriel Lippmann